Banzembo 87 - Mokanda na Bomoi

Nzembo 87 Siona, etima ya bikolo nyonso

1 Nzembo ya bana ya Kore.

¹ Nzembo ya bana ya Kore. Yawe atia moboko ya Siona na likolo ya bangomba ya bule.

² Yawe alingaka bikuke ya Siona koleka bandako nyonso ya Jakobi.

³ Oh engumba ya Nzambe, maloba ya nkembo ezali kolobama na tina na yo !

⁴ Kati na bato oyo bayebi ngai, natangi Rahavi mpe Babiloni. Ezali kuna na Siona nde Filisitia, Tiri mpe Kushi ebimela.

⁵ Na tina na Siona, maloba oyo ekolobama : « Bato nyonso babimela awa, mpe ezali Ye-Oyo-Aleki-Likolo nde alendisaka yango. »

⁶ Tango Yawe akomaki kati na buku ya bikolo, akomaki boye mpo na moko na moko kati na bango : « Moto songolo abotama kati na Siona ! »

⁷ Mpe tango bayembaka mpe babinaka, balobaka : « Bitima na ngai nyonso ezali kati na yo ! »