Banzembo 47 - Mokanda na Bomoi

Nzembo 47 Bobetela Nzambe maboko

¹ Nzembo ya bana ya Kore. Wuta na buku ya mokambi ya bayembi.

² Bino nyonso, bikolo, bobeta maboko ! Boganga epai na Nzambe na esengo nyonso.

³ Tala ndenge nini Yawe, Ye-Oyo-Aleki-Likolo, azali somo ! Azali Mokonzi Monene na mokili mobimba.

⁴ Atiaki bikolo na se na biso, mpe mabota na se ya bokonzi na biso.

⁵ Aponelaki biso libula na biso, oyo ezali lokumu ya Jakobi, molingami na Ye.

⁶ Nzambe amataki kati na koganga ya esengo ; Yawe ayaka kati na lokito ya kelelo.

⁷ Boyemba mpo na lokumu ya Nzambe, boyemba mpo na lokumu na Ye. Boyemba mpo na lokumu ya Mokonzi na biso, boyemba mpo na lokumu na Ye.

⁸ Pamba te Nzambe azali Mokonzi ya mokili mobimba ; boyemba nzembo mpo na lokumu na Ye.

⁹ Nzambe akonzaka bikolo nyonso ; Nzambe avandi na Kiti na Ye ya bule.

¹⁰ Bato minene ya bikolo basangani, lokola bato ya Nzambe ya Abrayami, pamba te bilombe ya mokili bazali ya Nzambe ; atombwama makasi.