Banzembo 3 - Mokanda na Bomoi

Nzembo 3 Yawe Abikisaka

¹ Nzembo ya Davidi. Ayembaki yango tango azalaki kokima Abisalomi, mwana na ye.

² Oh Yawe, banguna na ngai bazali motango boni ! Banguna boni oyo bazali kobundisa ngai !

³ Ebele bazali koloba na tina na ngai : « Nzambe akobikisa ye te ! »

⁴ Nzokande Yo, Yawe, ozali nguba mpe nkembo na ngai, Yo nde omatisaka lokumu na ngai.

⁵ Nabelelaka Yawe, mpe ayanolaka ngai wuta na ngomba na Ye ya bule.

⁶ Nalalaka mpe nazwaka pongi ; nalamukaka lisusu, pamba te Yawe azali makasi na ngai.

⁷ Nakobanga te atako ebele ya bankoto bazingeli ngai na bangambo nyonso.

⁸ Yawe, telema ! Nzambe na ngai, kangola ngai ! Beta banguna na ngai nyonso bambata, buka bato mabe minu.

⁹ Kokangolama na ngai ewutaka na Yawe. Tika ete lipamboli na Yo ewumela kati na bato na Yo.