Banzembo 20 - Mokanda na Bomoi

Nzembo 20 Yawe, longisa mokonzi na biso

¹ Wuta na buku ya mokambi ya bayembi. Nzembo ya Davidi.

² Tika ete Yawe ayanola yo na tango ya pasi ; tika ete Nzambe ya Jakobi azala ndako batonga makasi mpo na kobatela yo.

³ Tika ete asunga yo wuta na Esika na Ye ya bule mpe apesa yo makasi wuta na Siona.

⁴ Tika ete akanisa makabo na yo nyonso mpe andima mbeka na yo ya kotumba.

⁵ Tika ete akokisa posa ya motema na yo mpe mabongisi na yo nyonso.

⁶ Tokoganga na esengo mpo na lobiko na Yo mpe tokotombola bendele na Kombo ya Nzambe na biso. Tika ete Yawe akokisa bisengeli na Yo nyonso.

⁷ Nayebi sik’oyo ete Yawe abikisaka mopakolami na Ye, ayanolaka ye wuta na Esika na Ye ya bule kati na Lola, na nzela ya nguya ya loboko na Ye ya mobali.

⁸ Bamoko batiaka elikya na bango kati na bashar, bamosusu, kati na bampunda ; kasi biso totiaka elikya na biso kati na Kombo na Yawe, Nzambe na biso.

⁹ Bango, bafukamaka mpe bakweyaka ; kasi biso, tozalaka kaka ya kotelema mpe totikalaka ngwi.

¹⁰ Yawe, bikisa mokonzi ! Yanola biso tango tozali kobelela.