Banzembo 149 - Mokanda na Bomoi

Nzembo 149 Yawe alingaka bato na Ye

¹ Bokumisa Yawe ! Boyembela Yawe nzembo ya sika, bokumisa Ye na banzembo kati na mayangani ya bayengebene !

² Tika ete Isalaele asepela na Mokeli na Ye ! Tika ete bato ya Siona bazala na esengo mpo na Mokonzi na bango !

³ Tika ete bakumisa Kombo na Ye na mabina ; tika ete babetela Ye bambunda mpe mandanda !

⁴ Pamba te Yawe asepelaka na bato na Ye, alatisaka babola motole ya elonga.

⁵ Tika ete bayengebene na Yawe basepela kati na lokumu oyo ; tika ete bayemba na esengo na bambeto na bango !

⁶ Tika ete bakumisa Nzambe kati na minoko na bango elongo na mopanga ya minu na bangambo nyonso mibale kati na maboko na bango

⁷ mpo na kozongisa mabe na mabe ya bikolo mpe kopesa bato etumbu ;

⁸ mpo na kokanga bakonzi na bango na minyololo, kokanga bato na bango ya lokumu na mabende

⁹ mpe mpo na kopesa bango etumbu oyo ekomama na tina na bango ! Yango nde lokumu ya bayengebene na Ye nyonso. Bokumisa Yawe !