Banzembo 136 - Mokanda na Bomoi

Nzembo 136 Bolingo ya Yawe ewumelaka seko na seko

¹ Bosanzola Yawe, mpo ete azali malamu ; pamba te bolingo na Ye ewumelaka seko na seko !

² Bosanzola Nzambe ya banzambe ; pamba te bolingo na Ye ewumelaka seko na seko !

³ Bosanzola Nkolo na bankolo ; pamba te bolingo na Ye ewumelaka seko na seko !

⁴ Ye kaka nde asalaka bikamwa ya minene ; pamba te bolingo na Ye ewumelaka seko na seko !

⁵ Akelaki likolo na mayele na Ye ; pamba te bolingo na Ye ewumelaka seko na seko !

⁶ Atandaki mabele na likolo ya mayi ; pamba te bolingo na Ye ewumelaka seko na seko !

⁷ Akelaki biloko minene oyo ebimisaka pole ; pamba te bolingo na Ye ewumelaka seko na seko !

⁸ moyi mpo na kongengisa mokolo ; pamba te bolingo na Ye ewumelaka seko na seko !

⁹ sanza mpe minzoto mpo na kongengisa butu ; pamba te bolingo na Ye ewumelaka seko na seko !

¹⁰ Abomaki bana mibali ya liboso ya Ejipito ; pamba te bolingo na Ye ewumelaka seko na seko !

¹¹ Abimisaki Isalaele wuta na Ejipito ; pamba te bolingo na Ye ewumelaka seko na seko !

¹² na nguya monene ya loboko na Ye ; pamba te bolingo na Ye ewumelaka seko na seko !

¹³ Akabolaki ebale monene ya Barozo na biteni mibale ; pamba te bolingo na Ye ewumelaka seko na seko !

¹⁴ Alekisaki Isalaele na kati-kati ya ebale monene ya Barozo ; pamba te bolingo na Ye ewumelaka seko na seko !

¹⁵ Azindisaki Faraon elongo na mampinga na ye kati na ebale monene ya Barozo ; pamba te bolingo na Ye ewumelaka seko na seko !

¹⁶ Atambolisaki bato na Ye kati na esobe ; pamba te bolingo na Ye ewumelaka seko na seko !

¹⁷ Abetaki bakonzi minene ; pamba te bolingo na Ye ewumelaka seko na seko !

¹⁸ Abomaki bakonzi ya nguya ; pamba te bolingo na Ye ewumelaka seko na seko !

¹⁹ Sikoni, mokonzi ya bato ya Amori ; pamba te bolingo na Ye ewumelaka seko na seko !

²⁰ mpe Ogi, mokonzi ya Bashani ; pamba te bolingo na Ye ewumelaka seko na seko !

²¹ Akabaki mabele na bango lokola libula ; pamba te bolingo na Ye ewumelaka seko na seko !

²² lokola libula epai ya Isalaele, mosali na Ye ; pamba te bolingo na Ye ewumelaka seko na seko !

²³ Akanisaki biso tango basambwisaki biso ; pamba te bolingo na Ye ewumelaka seko na seko !

²⁴ Akangolaki biso wuta na maboko ya banguna na biso ; pamba te bolingo na Ye ewumelaka seko na seko !

²⁵ Apesaka bilei na bikelamu nyonso ; pamba te bolingo na Ye ewumelaka seko na seko !

²⁶ Bosanzola Nzambe ya likolo ; pamba te bolingo na Ye ewumelaka seko na seko !