Banzembo 130 - Mokanda na Bomoi

Nzembo 130 Wuta na mozindo ya pasi

1 Nzembo ya mobembo mpo na kokende na Ndako ya Nkolo.

¹ Nzembo ya mobembo mpo na kokende na Ndako ya Nkolo. Nkolo, nazali kobelela Yo wuta na mozindo ya pasi !

² Nkolo, yoka ngai ! Yoka mabondeli na ngai !

³ Yawe, soki obosanaka masumu te, Nkolo, nani akokaki kotelema ?

⁴ Kasi bolimbisi ezali epai na Yo, yango wana basengeli kotosa Yo.

⁵ Na motema na ngai mobimba, nazali na elikya kati na Yawe, nazali penza na elikya ; nazali kozela maloba na Ye.

⁶ Nazali na elikya kati na Nkolo koleka kutu ndenge mokengeli azelaka kotana ya tongo, koleka penza ndenge mokengeli azelaka kotana ya tongo.

⁷ Isalaele, tia elikya kati na Yawe, pamba te azali bolingo, mpe kokangolama ya kokoka ezali elongo na Ye.

⁸ Ye nde akokangola Isalaele na bambeba na yango nyonso.