Banzembo 128 - Mokanda na Bomoi

Nzembo 128 Tika ete Yawe apambola yo

1 Nzembo ya mobembo mpo na kokende na Tempelo ya Yawe.

¹ Nzembo ya mobembo mpo na kokende na Tempelo ya Yawe. Esengo na moto oyo atosaka Yawe mpe alandaka banzela na Ye !

² Oliaka mbuma ya mosala na Yo ; ozali moto ya esengo mpe ozali na bofuluki.

³ Kati na ndako na yo, mwasi na yo azali lokola nzete ya vino oyo ebotaka bambuma ebele ; bana na yo bazali lokola bankona ya nzete ya olive zingazinga ya mesa na yo.

⁴ Ezali ndenge wana nde Yawe apambolaka moto oyo atosaka Ye.

⁵ Solo, Yawe akopambola yo wuta na Siona, mpe okomona bofuluki ya Yelusalemi mikolo nyonso ya bomoi na yo

⁶ mpe okomona bakitani na yo. Tika ete kimia ezala na Isalaele !