Banzembo 126 - Mokanda na Bomoi

Nzembo 126 Tango ya kolona mpe tango ya kobuka

1 Nzembo ya mobembo mpo na kokende na Tempelo ya Yawe.

¹ Nzembo ya mobembo mpo na kokende na Tempelo ya Yawe. Tango Yawe azongisaki bato ya Siona longwa na bowumbu, tozalaki lokola bato oyo bazali kolota ndoto.

² Boye, tozalaki koganga mpe koyemba na esengo. Bongo, maloba oyo ekomaki kolobama kati na bikolo : « Yawe asaleli bango makambo minene ! »

³ Solo, Yawe asaleli biso makambo minene, mpe tozali kosepela.

⁴ Yawe, yaka kobongisa makambo na biso ndenge kaka otondisaka lisusu miluka ya Negevi.

⁵ Bato oyo balonaka na mpinzoli babukaka na banzembo ya esengo.

⁶ Moto oyo akendaka na kolela, tango amemi milona na ye, azongaka na esengo wana amemi maboke na ye.