Banzembo 125 - Mokanda na Bomoi

Nzembo 125 Kimia ya solo

1 Nzembo ya mobembo mpo na kokende na Ndako ya Yawe.

¹ Nzembo ya mobembo mpo na kokende na Ndako ya Yawe. Bato oyo batiaka elikya kati na Yawe bazali lokola ngomba Siona oyo eninganaka te, oyo epikama mpo na libela.

² Ndenge bangomba ezingeli Yelusalemi, ndenge wana mpe Yawe azingeli bato na Ye, kobanda sik’oyo kino libela na libela.

³ Bokonzi ya mabe ekowumela te na etuka ya bato ya sembo, mpo ete basangana te na mabe.

⁴ Yawe, zala malamu mpo na bato malamu mpe mpo na bato oyo bazali alima na mitema !

⁵ Kasi tika ete Yawe abengana bato ya kilikili elongo na bato ya misala mabe ! Tika ete kimia ezala na Isalaele !