Banzembo 123 - Mokanda na Bomoi

Nzembo 123 Wana tozali kozela ngolu na Ye

1 Nzembo ya mobembo mpo na kokende na Tempelo ya Yawe.

¹ Nzembo ya mobembo mpo na kokende na Tempelo ya Yawe. Natomboli miso na ngai epai na Yo, Yawe, oyo ovandi na Kiti na Yo ya Bokonzi kati na Lola.

² Ndenge miso ya bawumbu etalaka nkolo na bango, mpe miso ya mwasi mosali etalaka nkolo na ye ya mwasi, ndenge wana mpe miso na biso ezali kotala Yawe, Nzambe na biso, kino asalela biso ngolu.

³ Yawe, salela biso ngolu, yokela biso mawa ! Pamba te tolembi kotiolama !

⁴ Tolembi penza kotiolama na bato ya lolendo mpe ya lofundu !