Banzembo 122 - Mokanda na Bomoi

Nzembo 122 Bosambela mpo na kimia ya Yelusalemi

1 Nzembo ya Davidi. Nzembo ya mobembo mpo na kokende na Tempelo ya Yawe.

¹ Nzembo ya Davidi. Nzembo ya mobembo mpo na kokende na Tempelo ya Yawe. Nasepelaka tango balobaka na ngai : « Tokende na Tempelo ya Yawe ! »

² Yelusalemi, makolo na biso etelemi na bikuke na yo !

³ Yelusalemi, engumba oyo etongama malamu ; engumba oyo biteni na yango ekangana esika moko.

⁴ Ezali kuna nde mabota ekendaka, mabota ya Yawe, kolanda mibeko kati na Isalaele, mpo na kosanzola Kombo ya Yawe.

⁵ Pamba te bakiti ya bokonzi ya bato oyo basalelaka bosembo ezali kuna, bakiti ya bokonzi mpo na ndako ya Davidi.

⁶ Bosenga kimia ya Yelusalemi ! Tika ete bato oyo balingaka yo, Yelusalemi, babika na kimia !

⁷ Tika ete kimia ezala kati na yo mpe kati na bandako na yo ya bokonzi !

⁸ Likolo ya bolingo na ngai mpo na bandeko mpe balingami na ngai, nalobi : « Tika ete kimia ezala kati na yo ! »

⁹ Likolo ya bolingo na ngai mpo na Tempelo ya Yawe, Nzambe na biso, nasengi bolamu mpo na yo.