Banzembo 120 - Mokanda na Bomoi

Nzembo 120 Kangola ngai

1 Nzembo ya mobembo tango bazalaki kokende na Tempelo ya Yawe.

¹ Nzembo ya mobembo tango bazalaki kokende na Tempelo ya Yawe. Kati na pasi na ngai, nabelelaki Yawe, mpe ayanolaki ngai.

² Oh Yawe, kangola ngai wuta na maboko ya bakosi mpe wuta na lolemo ya lokuta !

³ Yo, lolemo ya lokuta, Yawe akopesa yo nini, akofuta yo nini ?

⁴ Akobeta yo na makonga ya elombe ya bitumba, oyo ezali ya songe, elongo na makala ya moto ya nzete ya nzube.

⁵ Mawa na ngai, mpo ete navandi lokola mopaya kati na Mesheki, kati na bandako ya kapo ya Kedari.

⁶ Navandaki tango molayi kati na bato oyo balingaka kimia te.

⁷ Ngai, nazali moto ya kimia ; kasi soki kaka nameki koloba na tina na kimia, bango baponaka mbala moko bitumba.