Banzembo 114 - Mokanda na Bomoi

Nzembo 114 Tango Isalaele abimaki wuta na Ejipito

¹ Tango Isalaele abimaki wuta na Ejipito, tango libota ya Jakobi elongwaki na ekolo ya bapaya,

² Yuda ekomaki Esika ya bule ya Yawe, mpe Isalaele ekomaki mabele na Ye.

³ Ebale monene emonaki yango mpe ekimaki, mayi ya Yordani ezongaki na sima,

⁴ bangomba epumbwaki lokola bameme, bangomba mike epumbwaki lokola bana ya ntaba.

⁵ Ebale monene, nini ezalaki kati na yo mpo ete okima ? Yordani, mpo na nini ozongaki na sima ?

⁶ Bino bangomba, mpo nini bopumbwaki lokola bameme ? Bongo bino bangomba mike, mpo na nini bopumbwaki lokola bana ya ntaba ?

⁷ Mokili, lenga liboso ya Yawe, liboso ya Nzambe ya Jakobi,

⁸ oyo abongolaka libanga monene liziba, mpe libanga etima.