Banzembo 100 - Mokanda na Bomoi

Nzembo 100 Yawe asanzolamaka kati na bato na Ye

1 Nzembo ya kozongisa matondi.

¹ Nzembo ya kozongisa matondi. Bino nyonso bato ya mokili mobimba, boganga na esengo epai na Yawe !

² Bosalela Yawe na esengo, mpe boya liboso na Ye na banzembo ya esengo.

³ Boyeba ete Yawe nde azali Nzambe ; Ye nde asala biso, mpe tozali bato na Ye. Solo, tozali bato na Ye mpe etonga oyo aleisaka.

⁴ Bokota na bikuke na Ye na kozongisa matondi, bokota na lopango na Ye na kokumisa. Bosanzola Ye, bopambola Kombo na Ye.

⁵ Pamba te Yawe azali malamu ; bolingo na Ye ewumelaka seko na seko, mpe boyengebene na Ye, libela na libela.