Zaburi 23 - Motingʼo Loko Manyien

Zaburi 23

Zaburi mar Daudi.

¹ Jehova Nyasaye e jakwadha, ok anachand gimoro.

² Omiyo ayweyo e lum mangʼich, otelona e aore mokwe,

³ odwogo chunya. Otaya e yore mag tim makare mondo nyinge oyud duongʼ.

⁴ Kata ka obedo ni awuotho e hoho mar tipo mar tho, to ok analuor gimoro marach, nimar in koda; ludhi gi odungani ema hoya.

⁵ Iloso mesa e nyima ka wasika neno. Iwiro wiya gi mo; kikombena opongʼ moo oko.

⁶ Adier, ber gihera biro luwa ndalo duto mag ngimana, kendo abiro dak e od Jehova Nyasaye nyaka chiengʼ.