Zaburi 136 - Motingʼo Loko Manyien

Zaburi 136

¹ Gouru erokamano ne Jehova Nyasaye, nimar ober. Herane osiko nyaka chiengʼ.

² Gouru erokamano ne Nyasach nyiseche: Herane osiko nyaka chiengʼ.

³ Gouru erokamano ne Ruodh ruodhi: Herane osiko nyaka chiengʼ.

⁴ Ne en kendo matimo honni madongo, Herane osiko nyaka chiengʼ.

⁵ Jal mane oloso polo gi riekone, Herane osiko nyaka chiengʼ.

⁶ Jal mane oyaro piny ewi pige, Herane osiko nyaka chiengʼ.

⁷ Jal mane oloso rameny madongo dongo, Herane osiko nyaka chiengʼ.

⁸ Nochweyo wangʼ chiengʼ mondo orit odiechiengʼ, Herane osiko nyaka chiengʼ.

⁹ kod dwe gi sulwe mondo orit otieno; Herane osiko nyaka chiengʼ.

¹⁰ ne En mane onego nyithindo makayo mag Misri, Herane osiko nyaka chiengʼ.

¹¹ kendo mane ogolo jo-Israel oko kuomgi, Herane osiko nyaka chiengʼ.

¹² nogologi gi lwedo motegno kod bat morie; Herane osiko nyaka chiengʼ.

¹³ ne En mane obaro Nam Makwar diere ariyo; Herane osiko nyaka chiengʼ.

¹⁴ mi nogolo jo-Israel koluwo diere tir, Herane osiko nyaka chiengʼ.

¹⁵ to Farao gi jolwenje to nomiyo Nam Makwar oywero; Herane osiko nyaka chiengʼ.

¹⁶ ne En mane otelo ne joge e thim, Herane osiko nyaka chiengʼ.

¹⁷ ne En mane ogoyo ruodhi madongo piny, Herane osiko nyaka chiengʼ.

¹⁸ kendo mane onego ruodhi maroteke; Herane osiko nyaka chiengʼ.

¹⁹ Kaka Sihon ruodh jo-Amor, Herane osiko nyaka chiengʼ.

²⁰ gi Og ruodh Bashan, Herane osiko nyaka chiengʼ.

²¹ mi nochiwo pinygi kaka girkeni, Herane osiko nyaka chiengʼ.

²² Kaka girkeni ne Israel jatichne; Herane osiko nyaka chiengʼ.

²³ ne En mane oparowa ka piny ochamowa, Herane osiko nyaka chiengʼ.

²⁴ kendo mane ogonyowa e lwet wasikwa, Herane osiko nyaka chiengʼ.

²⁵ machiwo chiemo ne chwech duto, Herane osiko nyaka chiengʼ.

²⁶ Gouru erokamano ne Nyasach polo, Herane osiko nyaka chiengʼ.