Zaburi 129 - Motingʼo Loko Manyien

Zaburi 129

Wer ma ji wero kadhi e hekalu.

¹ “Jogi osesanda malit nyaka aa e tin-na,” Israel mondo owach niya;

² “gisesanda malit nyaka aa e tin-na, to kata kamano pok gibedo gi loch kuoma.

³ Jopur osepuro diengʼeya kendo gisegore opara ma roboche,

⁴ to kata kamano Jehova Nyasaye en ngʼama kare; osegola e badho mar joma timbegi richo.”

⁵ Ji duto mochayo Sayun lo mi dog chien gi wichkuot.

⁶ Mad gichal gi lum moti ewi tado maner kata kapok odongo maber.

⁷ Ok onyal nyago gimoro mapongʼo lwet jakeyo, kata ma jachoko nyalo tingʼo e bade.

⁸ Mad joma kalo bute kik wachnegi niya, “Jehova Nyasaye mondo ogwedhi, kata ni, wagwedhi e nying Jehova Nyasaye.”