Methelokên 9 - Methelokên Hezretê Silêman 1947

Bir 9

¹ Eqilmendî mala xwe ava kiriye û heft stûnên xwe danîne.

² Qurbana xwe şerjêkiriye, şeraba xwe aniye pêş û sifra xwe daniye.

³ Navmaliya xwe rêkiriye, Ew di cibên bajêr ên bilind de ban dikin:

⁴ Yê ko bodile ye bila bê vir… ew ji yên sersem re dibêje;

⁵ Werin, ji nanê min bixwin, û ji şeraba ko hatiye danîn vexwin;

⁶ Dev ji ehmeqiyê berdin û honê tama jiyînê wê bizanin; û li ser reya hişyariyê bimeşin…

⁷ Yê ko dixwaze tevzakeran fêr bike şermisar dibe û yê ko dildike mirovekî xerab çak bike, pê kêmqedir dibe.

⁸ Tevzekeran me êşîne, ew ê nefiran li te bike; bîrewerekî biêşîne, ew ê hejî te bike.

⁹ Ji eqilmendekî re bide, ew ê hêj eqilmendtir bibe; dilpakekî hin bike, ew ê hêj zanatir bibe.

¹⁰ Destpêka zanînê tirsa Xwedê ye, û zanîna ewlivan eqilmendî ye.

¹¹ Bi min, rojên jiyîna te zehftir û salên emrê te bêtir bibin.

¹² Heke tu eqilmend î, eqilmendî xwe yî; û heke tu tevzaker î tu ê xwe bi xwe barê xwe hilgirî.

¹³ Dînîtî jinikeke devtejîgotin e, sersemek e û bi tu tiştî ni zane.

¹⁴ Di devê deriyê mala xwe de, li ser kursiyekê rûniştiye an di cihên şaristanî ên bilind de rawestiyaye û;

¹⁵ Banî xelkê dike yên ko rast bi rast li ser reya xwe dimeşin û dibêje wan:

¹⁶ Yê ko ehmeq e, bila bê hir u ji serseman re dibêje:

¹⁷ Avên diziyê şîrîn in û nanê ko veşartî tête xwarin tamdar e…

¹⁸ Lê, yê ko guhdide wê ni zane ko mirî lê kom bûne û vexwendiyên di wê dibin ehlê nevala gorinan.