Methelokên 31 - Methelokên Hezretê Silêman 1947

¹ Ev in gotinên Qral Lemuel; pendên ko deya wî hînî wî kiri bûn.

² Ez ê çi bêjime te kurê min? Çi bêjime te kurê canê min? Çi bêjime te roniya çavên min?

³ Xurtiya xwe me de jinan; û me keve ser reyên ko Mîr têde perîşan dibin.

⁴ No, Kral Lamuel, li qrala na yê ko şerabê vexwin û ne jî li mîrekan tê, vexwarinine xurt.

⁵ Heye ko ew bi vexarinê qanûn û nizama ji bîra dikin; û heqê bêçareyan dişkînînîn;

⁶ Vexwarinine xurt bidin mirovên ko di perîşaniyê de ne; û şerabê bidin peyayên dilşikestî;

⁷ Da ko pê perîşaniya xwe ji bîra bikin û bextreşiya wan bila me yê pêş çavê wan.

⁸ Devê xwe veke ji bona mirovên lal û ji bona parastina heqê yên ko hatine ji bîra kirin;

⁹ Devê xwe veke û bi edaletê hikim bike û heqê bêçare û belengazan (ji erdê rake û) bide wan.

¹⁰ Kî dikare jinikeke pak peyda bike, ji mirariyan zehf hêjatir e.

¹¹ Dilê mêrê wê pê amin dibe û karê di wî kêm na be.

¹² Di hemî jiyîna wî de, wî na êşîne û qenciyê dike wî.

¹³ Hirî û kitan peyda dike û bi destên xwe bi kêfxweşî dixebite.

¹⁴ Mîna gemiyên bâzirganiyê nanê xwe ji dûrahiyan tîne.

¹⁵ Beriya rojhelatî radibe û xwarinê dide xelkên malê û zadê xadimeyan . . .

¹⁶ Bala xwe dide zeviyekê û wê dikire û bi kedê destê xwe jê rêzek çêdike.

¹⁷ Piştiya xwe dişidîne û zendên xwe dixurtîne.

¹⁸ Dizane, tiştê ko kar kiriye qenc e; çira wê bi şev qet na temire.

¹⁹ Destên xwe datîne teşiyê û tiliyên wê dirêsin.

²⁰ Arîkariya bêçareyan dike; û destê xwe dide belengazan.

²¹ Ji bona xelkê mala xwe xema daketina berfê na xwe, ji ber ko hemî ehlên malê xwedî du deste cil in.

²² Ji xwe re mêzeran cêdike, cilên di wê ji hewrûşimê ergiwani ne.

²³ Mêrê wî di dergehan de nas e, gava bi rîspiyên bajêr re rûdine.

²⁴ Kirasan çêdike, û difiroşe û ji bazirganan [re] re piştiyan dide firotin.

²⁵ Xurtî û serfirazî cilên wê ne û li rojên pêşiyê bi kenîna dinêre.

²⁶ Devê xwe bi eqilmendiyê vedike û li ser zimanê di wê pendine şîrîn hene.

²⁷ Li karên mala xwe miqate dibe û nanê tiraliyê na xwe.

²⁸ Kurên di wê radibin û dibên bextiyar e û mêrê wê radibe û pesnê wê dide.

²⁹ Zehf keçik hene ko pak in, lê tu ji hemiyan payebilindtir î.

³⁰ Delalî xapinok e, û spehîtî winda dibe, divê mirov pesnê wê jinkê bide ya ko ji Xwedê tirsiyar e.

³¹ Ji kedên destê wê bidin wê û bila di dergehên bajêr de emel û kirinên di wê, pesnê wê bidin.