Methelokên 27 - Methelokên Hezretê Silêman 1947

¹ Bi sibe pesnê xwe me de; tu ni zanî sibe wê çilo bibe.

² Berde bila yekî din pesnê te bide, û ne ko devê te; mirovekî biyanî û ne lêvên te bixwe.

³ Kevir giran e, û sêlak barek e; lê erna dînokan ji her diwan girantir e

⁴ Xeyid bêrehm e, û erin mîna rabûna avê ye; lê kî dikare di pêşiya dexsê de bisekine.

⁵ Lewmeke vekirî ji hevaltiyeke veşartî çêtir e.

⁶ Brînên ko destbrayekî vekirine delîlê dostaniya wî ne; lê maçên dijminekî xapînok in.

⁷ Yê ko têr bûye pê li şaneyên hingiwî dike; lê yê ko birçî ye; tiştekî tehil jî tamşîrîn dibîne

⁸ Mirovê ko ji bajarê xwe dûr ketiye; mîna çûkeke ko ji hêlîna xwe dûr firiyaye.

⁹ Dil bi bihn û bû şa dibe û şîretên hevalekî dilnerm şîrînin.

¹⁰ Dev ji hevalê xwe û yê bavê xwe bermede; û gava di tengiyê de yî, me çe mala brayê xwe; cîranekî nîzing ji brayekî dûr çêtir e.

¹¹ Kurê min, aqil be, û pê dilê min şa bike û ez ê bikarim li peyayê ko qedrê min dişkînîne vegerînim.

¹² Mirovê xwedîtedbîr xirabiyê dibîne û xwe vedişêre; lê yê sersem pêş ve diçe û tête êşandin.

¹³ Cilên peyayê; ko bûye kefîlê yekî jê bistîne û ji mirovê ko kefîltiya jinikeke xerîb dike gerewan bixwaze.

¹⁴ Heke yekî sibe zû bi dengekî bilind silavan li yekî dike; weke lanetek tête hesibandin.

¹⁵ Sûlava avê di rojên baranê de û jenikeke bedxû mîna hev in;

¹⁶ Yê ko dixwaze wê bigire; qey bê û zeytê dike bigire.

¹⁷ Hesin bi hesin tête hesûn kirin; wilo jî mirovek bi mirovekî.

¹⁸ Yê ko bala xwe dide dara hejîrê, jê wê bixwe û yê ko bala xwe dide serekê xwe dê biqedir bibe.

¹⁹ Herwekî siha rû li avê pêşberê rû ye; wilo jî dilê mirova pêşberê hev in.

²⁰ Gor û dojeh tucara tejî na bin; welê jî çavê mirovan qet têr na bin.

²¹ Dîzîk ji bona zîv e û êtûn ji bona zêr; qedrê mirovekî jî li gora devên ko qala wî dikin eşkere dibe.

²² Heke te dîna mîna livekî xist coniyekî û ev da ber hodê; dîsa dînîtiya wan ji wan venaqete.

²³ Pezên xwe yek bi yek nas bike û bala xwe bide keriyê xwe.

²⁴ Herwekî dewlemedî her û her dom na ke û tacek tim ne payedar e.

²⁵ Giyayê hişk tête berhev kirin, çêre ji nû ve heşîn dibe, û giyayên çiyan têne çinîn.

²⁶ Berx cilên te didin; û nêri heqê zeviyekê tînin.

²⁷ Şîrê te ê bizinan besî xwarina te, ya mala te û ya navmaliyên te ye.