Methelokên 21 - Methelokên Hezretê Silêman 1947

¹ Dilê Qralan; di destê Xwedê de weke avên coya ne; Ew wî ber bi kîjan alî ve divwaze vedigerîne.

² Li gora mirovan her rêke wan rast e; lê yê ko dilan têxe mêzinê Xwedê ye.

³ Xwedê kirina heq û edaletê ji qurbana çêtir digire.

⁴ Çavên bel, dilekî xirayî û çira neçeyan gunehkarî ne.

⁵ Daxwazên mirovên baş digihînin bereket û boşahiyê; lê yê ko lezê li xwe dide dikeve tengasiyê.

⁶ Xezîneyên ko bi zimanekî derewîn hatine kom kirin xewn û xiyal in; û qasidên mirinê ne.

⁷ Zorkeriya neçeyan wan winda dike, ji ber ko dil na kin tiştê ko rast e çêkin.

⁸ Yê sûçdar dide ser xaçereyên xwar, lê mirovê bêsûç li ser reya rast dimeşe.

⁹ Cêtir e ko mirov di gûşa binê banî de rûne û ne ko di qesrekê de bi jinikeke teşxelehebîn.

¹⁰ Canê xeraban xerabiyê dixwazin û hevalê di wan li ber dilê wan, ne şîrîn in.

¹¹ Gava qeşmerek tête êşandin, yê ehmeq pê aqil dibe; û heke dersa yekî hişyar hatiye dayîn, ew pê zana dibe.

¹² Eqilmend, gava xirabî bi ser mala nerindan de tê, jê ibretê distîne.

¹³ Yê ko di pêşiya hawara belengazan de guhê xwe digire (bila bizane): ew ê jî rojekê gazî bike û kes lê venagerîne.

¹⁴ Dana ko bi dizîka çêbûye ernê disekinîne û diyariya ko bi awakî veşartî hatiye dayîn xezeban nerm dike.

¹⁵ Ji bona adilan kirina edaletê xweşdiliyek e; lêbelê mirovên xirab pê diqehirin.

¹⁶ Yê ko ji reya eqilmendiyê derdikeve, dikeve civata miriyan.

¹⁷ Yê ko ji zewqê hez dike di desttengiyê de dimîne û yê ko ji zeyt û şerabê hez dike dewlemend na be.

¹⁸ Mirovê xirab divê bibe fidya dilpakan û yê bêbext yê camêran.

¹⁹ Çêtir e ko mirov di qeracan de bijî û ne ko li tenişta jinikeke rageş û teşxeleker.

²⁰ Xezîneyine biqîmet û zeyt di mala eqilmendan de ne; mirovên bêhiş wan daqurtînin.

²¹ Yê ko dide pey edalet û çakiyê, jiyîn, edalet û serfiraziyê peyda dike.

²² Eqilmend dikeve şartsianê egîdan û zora yên ko piştxurtiya wî bûn dibe.

²³ Yê ko bala xwe dide zimanê xwe; canê xwe ji êş û teşxelan diparêze.

²⁴ Qeşmer û tevizker in ko nefismezin û ji xwe razî ne, û bi ern û pozbilindî didin, distînin.

²⁵ Daxwaza tiralan wan dikuje, ji ber ko destê wan na kin bixebitin.

²⁶ Hin hene ro pê de dixwazin; lê yê pakdil bêminet dide.

²⁷ Qurbana neçeyan tiştekî kirêt e; nemaze gava têde niyetine nepak hene.

²⁸ Şahidê derewîn wê perîşan bibe; lê mirovê ko dizane bibihîse, her dê bipeyive.

²⁹ Peyayê xerab bêar xwe dinepixîne; mirovê pak dilnizm û sergiran e.

³⁰ Di pêşiya Xwedê de eqilmendî, şîret û hişyarî nî ne.

³¹ Hesp ji bona roja şerî hatiye cilûçek kirin; lê serfirazî di destê Xwedê de ye.