Methelokên 2 - Methelokên Hezretê Silêman 1947

Bir 2

¹ Kurê min, heke te guh da gotinên min û bi ya pendên min kir,

² Bi awakî ko bala xwe didî hikmet û sehrezayiyê û dilê te bi xeyret û germî bi zêrekiyê bendewar dibe,

³ Belê, heke tu banî hikmet û şehrezayiyê dikî û heke dengê te ber bi zêrekiyê ve bilind dibe,

⁴ Heke mîna yên ko li peran digerin, tu li wê digerî û mîna xezîneyekê qedrê wê digirî û didî pey wê,

⁵ Tu ê hingê, ji Xwedê tirsiyar bûn çi ye seh bikî û fêrbûna mezinahiya Xwedê çilo dibe tu ê bizanî.

⁶ Ji ber ko Xwedê hikmet û şehrezayiyê dide û ji devê Wî jîrî û zanîn derdikeve;

⁷ Ew, dilpakan digihîne serfiraziyê, û mirovên çak dihemîne.

⁸ Û li ser reya rastiyê piyê wan dişedîne û şîvereya peyayên xwe ên salih diparêze.

⁹ Welê, tu ê rastî û dilpakî, û heq û edaletê, û riya qenc çi ye wê nas bikî.

¹⁰ Ji ber ko eqilmendî wê bikeve dilê te û zanin li ber dilê te de, wê şîrîn bibe;

¹¹ Sîretine çak wê te bihemînin û hişê te, te ê biparêze,

¹² Da ko tu ne kevî ser riya mirovên xerab û ne bî têkilî xelkên gotinxwar û rêwindakirî,

¹³ Yên ko ji reya rastiyê derketine û ketine xaçereyine tarî,

¹⁴ Yên ko bi kirina xirabiyê dilxweş dibin, û bi nefsa ywe a xwar di şahiyê de ne,

¹⁵ Yên ko riya wan xwar e, û dan û standina xwe de jî ne rast in;

¹⁶ Da ko tu ji destê jinên xerîba jî xelas bibî yên ko gotinine dilrevîn dibêjin,

¹⁷ Jina ko dev ji mêrê xwe yê demên ciwaniyê berdaye û gotina ko Xwedê pê her diwan girêdayî bû, ji bîra kiriye;

¹⁸ Mala wê jinkê ber bi mirinê ve xwîl dibe û gavên di wê, wê digihine kortala miriyan.

¹⁹ Ji yên ko ber bi wê jinkê ve diçin yek jî venagere ve, û êdî ni kare bide ser riya xelas û jiyinê.

²⁰ Xwe ragire, da ko tu jî li ser reya mirovên çak bimeşî û ji reya pakdilan dernekevî.

²¹ Ji ber ko mirovên rast li welêt rûnin û yên dilpak lê bimînin;

²² Lêbelê, yên xirab ji rûyê erdê dê bêne qelandin û yên bêbext wê bêne edimandin.