Methelokên 11 - Methelokên Hezretê Silêman 1947

Bir 11

¹ Xwedê ji şehîna hîledar dikerihe, lê mîzaneke rast li ber dilê Wî şîrîn e.

² Li cihê ko pozblindî heye, şermisarî jî heye; lê eqilmendî para mirovên nefisbiçûk e.

³ Namûsa dilpakan rêberiya wan dike; lê hîleyên bêbextan wan digihîne perîşaniyê.

⁴ Roja xezebê de, dewlemendî bikêr na yê; lê dilpakî ji mirinê xelas dike.

⁵ Dilpakiya mirovên çak reya wan ava dike, lê yê xerab pê xerabiya xwe winda dibin.

⁶ Edaleta dilpakan wan xelas dike; lê mirovên xerab pê xerabiya xwe winda bibin.

⁷ Gava mirovê xerab dimire hêviya wî pûç dibe; hêviya zorkeran jî wê pûç derkeve.

⁸ Dilpak ji tengiyê xelas bibin û mirovên xerab dê bikevin şûna wan.

⁹ Mirovê bêdîn bi zimanê xwe cîranê xwe têxe helaketê; lê mirovên dilpak bi zanînê jê xelas dibin.

¹⁰ Ko dilpak bextiyar in, ehlê bajêr pê şa dibin û ko mirovên xerab perîşan dibin, ji xelkê qîrînên şahiyê radibin.

¹¹ Bi rindiya mirovên qenc qedrê bajêr bilind dibe; lê bi devên peyayên pîs şaristan dikeve zîvariyê.

¹² Yê ko mirovên din heqîr dibîne sersemek e; lê mirovekî eqilmend deyin na ke.

¹³ Yê ko paşgotiniya xelkê dike, veşartiyan eşkere dike; lê yê ko xwedî dilekî pak e, nependiyan li cem xwe dihêle.

¹⁴ Gava pend û debarine çak nî ne milet dikeve, felata miletekî di piraniya şîretkeran de ye.

¹⁵ Yê ko kefîl dibe, dikeve tengiyê; lê yê ko xwe jê dide paş, ewle û rahetser e.

¹⁶ Jinikeke delal serbilind dibe; û mirovên xurt dewlemend dibin.

¹⁷ Mirovê baş qenciyê digihîne giyanê xwe; lê peyayê xedar canê xwe têxe ezabê.

¹⁸ Karê mirovê xirab ê derewîn e; lê yê ko tovê edaletê direşîne bi rastî kar dike.

¹⁹ Edalet digihîne jiyînê; lê yê ko dide pey xerabiyê mirinê peyda dike.

²⁰ Xwedê ji mirovên dilxwar dikerihe; lê yên ko dilrast in li ber dilê Wî şîrîn in.

²¹ Bê guman e ko mirovê xerab bê ceza na mîne, lê çêliyên dilpakan dê bêne xelas kirin.

²² Xelekekî zêr di pozê berazekê de; ev e jinikeke spehî lê bêhiş.

²³ Daxwaza dilpakan bitenê qencî ye; lê peyayên nebaş çavnêriya xirabiyê dikin.

²⁴ Hin belav dikin û hêj dewlemendtir dibin û hinên din destgirtî ne û herûher belengaztir dibin.

²⁵ Canê comerd wê qelew bibe; yê ko avê dide jê re av dê bête dayin.

²⁶ Yê ko bi qesda karekî zêde genimê xwe ji dest na de: xelk lanetan lê dikin; lê bereket digehe mirovê ko wî difiroşe.

²⁷ Yê ko li qenciyê digere, qencî digehe wî; lê yê ko li xirabiyê digere lê dikeve.

²⁸ Yê ko pişta xwe bi dewlemendiyê xurt dike wê perîşan bibe; lê mirovên dilpak mîna pêlên daran şîn dibin.

²⁹ Yê ko rahetiya mala xwe direvîne, wê paleyiya bê bike; û bêhiş dê bibin hêsîrên eqilmendan.

³⁰ Fêkiyê dilpakan dareke jiyînê ye; û mirovên şehreza delalê dilê xelkê ne.

³¹ Nexwe, heke mirovê dilpak divê li dinyayê ezabê bibîne; gelo halê zalim û gunehkaran wê çito bibe?