Methelokên 10 - Methelokên Hezretê Silêman 1947

Bir 10 Methelokên Hezretê Silêman.

¹ Kurikekî hişyar şabûniya bavê xwe, lê lawikekî sersem kedera dilê deya xwe ye.

² Xezîneyên xirabiyê bikêr na yên, lê edalet ji mirinê xelas dike.

³ Xwedê bernade ko canê pakdilekî ji birçîtiyê biêşe, lê çavtengiya timakaran vedigerîne ve.

⁴ Destê sist belengaz dike; lê destê xebatkeran dewlemendiyê tîne.

⁵ Yê ko havînê kom dike şehreza ye: lê yê ko di dema bênderan de radikeve rûyê bavê xwe reş dike.

⁶ Li ser serê dilpakan bereket heye; lê zorkerî rûyê xwediyê xwe wê reş bike.

⁷ Navê dilpakan bi xêr têne gotin; lê navê peyayên xirab dirizin.

⁸ Yê ko ji dil hişyar e, bi ya pendan dike; lê yê ko bi lêvên xwe ni kare wê bikeve perîşaniyê.

⁹ Yê ko rast dimeşe bi ewleyî diçe; lê yê ko dide ser reya xwar tête nas kirin.

¹⁰ Yê ke çavan dişkînîne û bi çavan dileyize dibe sebeba xirabiyê; lê yê ko bi lêvên xwe ni kare wê bikeve perîşaniyê.

¹¹ Devê adilan kaniya jiyînê ye, lê zorkeri rûyê xwediyê xwe wê reş bike.

¹² Kîn nav di pevçûnê dide; lê qencî hemî sûçan vedişêre.

¹³ Eqilmendî li ser lêvên peyayên bijîr peyda dibe; lê ço ji bona pişta mirovên bêxeyr e

¹⁴ Eqilmend zanînê kom dikin; lê devê sefîhan dikevin helaketê.

¹⁵ Malê dewlemendan kelatê wan e; û perîşaniya feqîran, ji belengaziya wan e.

¹⁶ Malê pakdilan ji bona debara jiyînê ye; û yê xiraban ji bona kirina gunehan.

¹⁷ Yê ko bi ya pendan dike xwe dide reya jiyînê; lê yê ko guhnade tenbîhan, reya xwe şaş dike.

¹⁸ Lêvên derewîn kînê vedişêrin û yê ko paşgotiniyê dike sersemek e.

¹⁹ Li cihê ko pir gotin heye, tê de guneh jî heye; lê yê ko lêvên xwe digire şehreza ye

²⁰ Zimanê dilpakan zîvekî bijarte ye; lê dilê bêkêran kêmeyar e.

²¹ Gotinên eqilmendan rêber ya zehf mirovan dikin; û bodile ji tunebûna eqlan dimirin.

²² Rehma Xwedê bê renc û zehmet dewlemend dike

²³ Ji bona bêhişekî xirabî kirin, weke leyistokek e; lê tevdîra mirovan eqilmendî ye.

²⁴ Tiştê ko mirovê xerab jê ditirse tê serê wî; û tiştên ko mirovên dilpak dixwazin dikeve destê wan.

²⁵ Mîna bablîsokekê mirovê xerab jî dibore, winda dibe; lêbelê hîmên pakdilan payedar in

²⁶ Herwekî sihik li dirana û dû li çavan dike; qasidê tiral jî li peyayê ko ew rêkiriye dike.

²⁷ Tirsa Xwedê rojên jiyînê bêtir dikin; lê salên mirovên xerab têne kurttir kirin.

²⁸ Hêviya dilpakan wê bibe şabûniyek; lê ya mirovên xerab tu ber na de.

²⁹ Reya Xwedê ji bona dilpakan asêgehek e; lê ji bona paleyên fesadiyê helaketek.

³⁰ Peyê dilpakan li kevirekî jî ne keve; lê mirovên xerab li welêt na mînin.

³¹ Devê dilpakan şehrezayiyê belav dikin, lê zimanê mirovê xwar dê bête birîn.

³² Lêvên dilpakan hêja çi ye nas dikin; lê yên mirovên xerab têrfesadî ne.