Yoweli 3 - BIBLIYA NTAGATIFU OMU MASHI

II. Amango mahyâhya n’olusiku lwa Nyakasane Nyakasane abulagira Mûka wâge oku bantu boshi

¹ «Enyuma ly’aho, nâdubulirakwo ngasi muntu Omûka gwâni. Bagala binyu na bâli binyu bakaz’ilêba, abashosi binyu bakaz’ilôrha ebyâbà, n’emisole yinyu ekaz’ibonekerwa.

² “Mw’ezo nsiku, ciru n’abajà n’abajà-kazi, nâbadubulirakwo Mûka gwâni”.

³ “Nâshub’ijira ebirhangâzo emalunga n’en’igulu, mukò, muliro n’ecitù c’o­mugî”.

⁴ “Izûba lyâshuba mwizizi, n’omwêzi guhinduke nka mukò, embere Olusiku lwa Nyakasane luyishe, Lusiku luhamu lwa kujugumya!”

⁵ “Ngasi yêshi wâshenge izîno lya Nyakasane, oyo ye wananafulumuke. Nk’oku Nyakasane aderhaga, oku ntondo ya Siyoni kwabà abafulumusire, n’aha Yeruzalemu habà abà Nyakasane ahamagalire okulama”».