Izaya 12 - BIBLIYA NTAGATIFU OMU MASHI

Olulanga lw’okuvug’omunkwa

¹ Mw’olwôla lusiku wanâderhe, erhi: Namâkukuza, Nyakasane! Wali onkunirîre, ci obukunizi bwâwe bwarhulwîre, wanantûlirîze.

² Nyamuzinda ye bucire bwâni: Ye ncîkubagîre, ntâco naciyôboha; bulya Nyakasane yo misî yâni lwo na lwimbo lwâni, ye bucire bwâni.

³ Mwanadôme amîshi n’omwîshingo aha maliba g’obucire.

⁴ Mw’olwôla lusiku mwanâderhe, erhi Mukuze Nyakasane, mushenge izîno lyâge; mumanyîse emikolo yâge omu mashanja; muhamagaze oku izîno lyâge liri likulu bwenêne!

⁵ Muyimbire Nyakasane, bulya ajizire ebirhangâzo bimanyîkîne omu igulu lyoshi.

⁶ Mucîshinge, mubande orhubûli, mwe mubà omu Siyoni, bulya Omwimâna w’Israheli ajir’irenge ekarhî kinyu.