Hozeya 3 - BIBLIYA NTAGATIFU OMU MASHI

Okushubîrira omukazi mubî, ihwe ly’obwonjo bwa Nyamuzinda wâni

¹ Nyamuzinda ashubimbwîra, erhi: «Genda kandi, ozigire omukazi ozigirwa n’ibà n’obwo eri mbaraga, nka kula niono Nyakasane nzigira bene Israheli n’obwo bàshizire abandibandi banyamuzinda, basîma n’ebitumbura by’emizâbîbu birherekêrwa abazimu ».

² Nanacigendirhôla mukânie obwo, nahûna mikabûlè ikumi n’irhanu ya nsaranga na nkuluba ndarhu za ngano.

³ Nanamubwîra, nti: «Wabêra hano mwâni nsiku nyinji lêro, onaleke obu­shungu bwâwe. Ntà kuyinjibana wundi mulume, nâni nâjira ntyo emund’oli ».

⁴ Kwo binali abantu b’Israheli bâyorha nsiku nyinji buzira mwâmi n’abarhambo, buzira nterekêro n’ibuye ly’emahêro, buzira ciru na efodi na terafimu.

⁵ Buzinda bwenêne bashubigaluka emunda Nyakasane ali, bayêrekera emwa Nyamuzinda wâbo n’emw’obûko bwa Daudi mwâmi wâbo. Omu nsiku zâyisha balongereza n’obukenge obusù bwa Nyakasane n’ebinja Nyakasane abâna.