Ennanga 8 - BIBLIYA NTAGATIFU OMU MASHIIrenge lya Lulema n’obukulu bw’omuntu 1 Gwârhi omukulu w’abimbiza. Oku izîno lya Gati. Lulanga. Lwa Daudi. 2 Yâgirwa Nyamuzinda, Nnâhamwîrhu, izîno lyâwe lyàjîre irenge omu igulu lyoshi, obukulu bwâwe buyunjwîre amalunga! 3 Akanwa k’abâna b’ebirhaba n’abaciyonka, karhubwiriza irenge lyâwe kanahulisa abashombanyi bâwe; lyo abanzi n’abagoma bahirigirha. 4 Nkalola amalunga eminwe yâwe yàmanikaga, n’omwêzi n’enyenyêzi walemaga: 5 Omuntu aligi cici mpu wamuyibuka, mwene-Adamu aligi ndi mpu wamushîbirira? 6 N’obwo wamujizire munyi hisungunu hyône kuli ba malahika, wamuyambika ishungwè ly’irenge n’obukuze. 7 Wamujira mwâmi w’ebiremwa by’amaboko gâwe byoshi wabihizire aha magulu gâge. 8 Ebibuzi n’enkafu, byoshi byoshi, ciru n’ensimba z’omu irungu; 9 Enyunyi z’emalunga n’enfî z’omu nyanja, n’eby’omu mîshi byoshi 10 Yâgirwa Nyamuzinda Nnâhamwîrhu, izîno lyâwe lyàjîre irenge omu igulu lyoshi. |
Mashi Bible © BUKAVU Archdiocese of Bukavu, 2024.
BUKAVU Mashi and other Kivu Languages Bible