Ennanga 61 - BIBLIYA NTAGATIFU OMU MASHI

Omusengero gw’olulizîbwe

¹ Gwârhi omukulu w’abimbiza. Oku nzihwa z’emisî. Lwa Daudi.

² Oyumve guno mulenge gwâni mâshi Nnâmahanga, orhege guno musengero gwâni amarhwîri.

³ Ndwîrhe nakubirikira na ndi ekulî, bulyâla amagala gandîre. Ondengereze okw’ibuye onampè obuluhûkiro.

⁴ Wêne we lwâkiro lwâni we n’ibuye ncîfulikaho nka nshimbirwe n’omubisha.

⁵ Kurhi nankabona nabêra omu mwâwe ensiku zoshi, mbone nyâkîre omu lukangà lw’ebyûbi byâwe wâni!

⁶ Nnâmahanga, nêci wayumvirhize omusengero gwâni, wanshobôzize akashambala abakenga izîno lyâwe bashobôla.

⁷ Ensiku za mwâmi ozihirekwo ezindi, emyâka yâge eyumânane n’ey’owamayâlusa kanji kanjî.

⁸ Ayôrhe arhegeka omu masù ga Nyamuzinda, omurhumîre oburhonyi n’obudahemuka bikaz’imulanga.

⁹ Nyimbirage izîno lyâwe obwo nnanyûkirize emihigo yâni bwaca bwayira.