Ennanga 6 - BIBLIYA NTAGATIFU OMU MASHI

Amingingo omu marhangulo

¹ Gwârhi omukulu w’abimbiza. Oku nzihwa zishwêkwa n’emisî. Oku izù lya kali munâni. Lulanga. Lwa Daudi.

² Yâgirwa Nyamuzinda, orhampanaga omu burhè bwâwe, orhanankalihiraga omu bukunizi bwâwe.

³ Mâshi Nyakasane, ombêre obwonjo ntà misî ncigwêrhe, nfumya, Yâgirwa Nnâmahanga, bulya enjingo z’orhuvuha rhwâni zikola zihozire.

⁴ Omurhima gwankangusire, nâwe, we Nnâmahanga kuhika mangaci?

⁵ Galuka, mâshi Yâgirwa Nyakasane onyôkole; oncize buzigire bwâwe burhumire.

⁶ Bulya ntâye ofîre wankacikuyibuka ndi wankakukuza kurheng’e kuzimu?

⁷ Ndi bufà erhi maganya garhuma erhi binajinga, nanyongoberere omu lwôgo lwâni oku narhoga emirenge, ncîkwêbe omu ncingo yâni.

⁸ Amasù gakola ganduma erhi mirenge erhuma, abashombanyi bâni boshi bagahûsa.

⁹ Ntengiho mweshi banyankola-maligo bulya Nyamuzinda ayumvîrhîze emirenge yâni.

¹⁰ Nnâmahanga ayumvîrhîze izù lyâni; Nyakasane ayumvîrhîze omusengero gwâni.

¹¹ Abashombanyi bâni boshi bafè n’obôba, enshonyi zibayîrhe bagaluke cinyumanyumà.