Ennanga 54 - BIBLIYA NTAGATIFU OMU MASHI

Izù lyayâkûza Nyamuzinda Mucîranuzi

¹ Gwârhi omukulu w’abimbiza. Oku nzihwa z’emisî. Nyigîrizo. Za Daudi.

² Amango abantu b’e Zif bàlibwîra Saulu, mpu: «Ka Daudi arhali e mwîrhu acîfulisire obu?»

³ Mâshi Nyamuzinda oncize n’izîno lyâwe mâshi, ontwîre nâni luno lubanja oku buhashe bwâwe.

⁴ Yâgirwa Nyamuzinda mâshi, yumvîrhiza omusengero gwâni, rhega okurhwiri oyumve ebinwa byâni.

⁵ Kulya kubà balya bacîgenza banyandûsirekwo, balya b’ecikalarhu nabo banshimbire mpu bantenzemw’omûka.

⁶ Awa, Nnâmahanga oyûla oli ntabâla, Nyakasane ye Nyamwegemerwa w’omûka gwâni.

⁷ Abashombanyi bâni orhangibayêrekeza obuhanya n’oku bwinjà bwâwe, Nyamuzinda obashâbe buyumpa.

⁸ Nnonzize nkurhûle enterekêro, nnangashânize izîno lyâwe, Nyakasane, bulya liri linjà.

⁹ Kulya kubà lyândikûzize oku ngasi mbaka, nanabwîne oku abashombanyi bâni bacôcoboka n’enshonyi.