Ennanga 52 - BIBLIYA NTAGATIFU OMU MASHI

Okutwa olubanja lw’omulenzi

¹ Gwarhi omukulu w’abimbiza. Nyigîrizo. Za Daudi.

2 Amango Dwege w’e Edomu àyishig’ibwîra Saulu, erhi: «Daudi ajìre omu mwa Abimeleki».

² Amango Dwege w’e Edomu àyishig’ibwîra Saulu, erhi: «Daudi ajìre omu mwa Abimeleki».

³ Kurhi okwo walimbira obubî, wâni cikala-nshonyi?

⁴ Ngasi mango erhi na bubî warhânya, obulijira olulimi lwôji nka lugembe, nyankola-maligo.

⁵ Amabi g’orhonya oku minjà, obunywesi bw’oyumva orhonyize oku iderha linja!

⁶ Ebinwa bibi orhabikubwakwo, kanywesi!

⁷ Okwôla kwârhuma Nyamuzinda akushâba buyumpa, akushugule budundu, kwârhuma akubarhûla omu cihugo, akumânyule oku igulu ly’abazîne.

⁸ Abashinganyanya bamubona bageremw’omusisi, oku bundi bamukwame, mpu:

⁹ «Y’oyo omwîra winyu wàbulaga bwajira Nyamuzinda lwakiro lwâge: akaz’icîkubagira obunji bw’ebirugu byâge, akaz’ilimbira ebyâha byâge!»

¹⁰ Niehe kwo ndi nka muzêti gujininira omu ka-Nyamuzinda; olukogo lwa Nnâmahanga lwo ncîkubagira ensiku n’amango.

¹¹ Nakaz’ikukuza ensiku zoshi bulya wakozire, nakaz’ikuza izîno lyâwe omu masù g’abarhonyi bâwe, bulya liri linja.