Ennanga 43 - BIBLIYA NTAGATIFU OMU MASHI

lralà ly’okuj’omu ka-Nyamuzinda

¹ Ontwîre olubanja, Nnâmahanga, ondêrhere nyâze eyo mihera, onandîkûzekwo erya ndyâlya y’ecishungu.

² Bulya Nnâmahanga, we buzibu bwâni; cirhumire wanyôza? Cirhumire nciyumva ogu mutula gw’akushimbwa n’omubisha?

³ Orhume obumoleke bwâwe n’oburhabêsha bwâwe, byo byandusa bìnyêrek’enjira, byo byampisa oku ntondo yâwe ntagatîfu n’omu birâlo byâwe.

⁴ Njâge aha ìbuye lya Nyamuzinda obwo aha burhambi bwa Nyamuzinda orhuma nasîma nanshagaluke. Nkuzagye Nyamuzinda obwo, mmanule olulanga nkuzemwo Nyamuzinda wâni.

⁵ Murhima gwâni, carhuma warhoga? Carhuma wandwîrira omu nda? Cîkubagire Nnâmahanga: niono nkola nashub’imukuza, ye bucire bw’obusù bwâni, ye na Nyamuzinda wâni.