Ennanga 3 - BIBLIYA NTAGATIFU OMU MASHI

Omusengero gw’esêzi gw’omuntu oli omu marhabi

¹ Lulanga. Lwa Daudi. Amango al’iyasire omugala Absalomi.

² Nyakasane, baluzire nka nzige abantezire bali banji-banji.

³ Bali mwandu, abadwîrhe banshumika, mpu: «Ntâkwo Nnâmahanga ankacimuciza!»

⁴ Ci we mpenzi yâni, Nyamwagirwa, we irenge lyâni we n’ihungiro lyâni.

⁵ Nkayâkûza Nyakasane anayumve anayumve izù lyâni oku ntondo yâge ntagatîfu.

⁶ Ngwîshîre, mpunzire, nsinsimusire, erhi Nnâmahanga ye nnancîkubagîre.

⁷ Ntumvîrhi ngwêrhwe n’obwôba bw’ezîra ngabo zingosire.

⁸ Zûka, zûka, Nnâmahanga! ontenze omu marhabi, mâshi Nyakasane! Enzigo zâni ozikolere buligo eyo mihera erhacisigalanaga ciru n’elîno lyo linyi ekanwa.

⁹ Nêci, Nyamuzinda ye ciza, Waliha, we bwangà bw’olubaga lwâwe!