Ennanga 23 - BIBLIYA NTAGATIFU OMU MASHI

Lungere mwinjà

¹ Lulanga. Lwa Daudi. Nyakasane ye lungere onyâbula, ntâco ndagîrîrekwo.

² Anampugire omu bulambo bw’akahasi kinjà; anampise aha nshôko y’amîshi naluhûkira.

³ Ho n’omurhima gwâni gwabombêrera; Ye ndwîrhe omu njira nnungêdu; erhi izîno lyâge lirhuma.

⁴ Ciru nankahonera omu kabanda k’omwizimya ntà mabî nyôbohire, bulya rhwembi rhunali. Akarhi kâwe n’obuhiri bwâwe bindi hôfi; byo bidwîrhe byantûliriza.

⁵ Wanteganyiza ecîbo c’ebiryo, erhi n’abashombanyi bâni badwîrhe basinza. Irhwe lyâni wamâlibumba mavurha, n’akabehe kâni kayunjwîre cinyôbwa.

⁶ Iragi n’okubêrwa binkulikîre, ngasi lusiku lw’obuzîne bwâni. Omu mwa Nyakasane ncîbêrîre, ensiku n’amango.