Ennanga 15 - BIBLIYA NTAGATIFU OMU MASHI

Omwîra wa Nnâmahanga

1 Lulanga. Lwa Daudi.

¹ Lulanga. Lwa Daudi. Yâgirwa Nyakasane, ndi wankabêra omu bwâmi bwâwe; Ndi wankatwa ecirâlo oku ntondo yâwe ntagatîfu?

² Ow’olugendo lwimâna n’ojir’ebishingânîne, n’oderha eby’okuli nk’oku binali omu murhima gwâge;

³ Orhagamba ndi omu lulimi lwâge, Orhajirira wâbo kubî, arhanajacira mulungu wâge.

⁴ Anagayaguze omuherêra, akenge abarhînya Nyamuzinda. Ebi acîgashiraga, arhankacibigashûla, ciru ankahona;

⁵ Arhahogeza bunguke, arhanalya mpyûlo mpu aheze omwêru-kwêru. Oyôrha ntyo, ntà mango ankahuligana.