Ennanga 142 - BIBLIYA NTAGATIFU OMU MASHI

Omusengero gw’odwîrhe alibuzibwa anacîfulisire

¹ Lwigânwa. Lwa Daudi. Amango àli omu lukunda. Lulanga.

² Izù linene nâyakûzamwo Nyakasane, Izù linene nâyingingamwo Nyamwagirwa.

³ Omu masù gâge narhûla omutula gungwêrhe, embere zâge nabulagira oburhè bungwêrhe.

⁴ Obu omûka gunfundîremwo; câba orhahabiri enjira yâni. Enjira nâyishamwo, bantegîremwo olubambo.

⁵ Ndozir’ekulyo nnambwîne, ci ntâye mbwîne wankanshîbirira. Ntaho mbwîne nakayâkira, na ntâye mbwîne wakafungira omûka gwâni.

⁶ We nyâkûzize, Yâgirwa; We nabwîra, wêne lwâkiro lwâni, Weri gwâni mwanya mw’er’igulu ly’abazîne.

⁷ Yumvîrhiza omulenge gwâni, bulyâla mbengîre kurhali kunyi. Ndîkûza kuli aba banshimbire, bulyâla bandushire misî.

⁸ Nkûla mw’eyi mpamikwa, nvuge izîno lyâwe omunkwa. Abashinganyanya bakolaga bangorha, hano ôbà wamanjirira bwinjà.