Ennanga 141 - BIBLIYA NTAGATIFU OMU MASHI

Oyimangîrwe na wa-Ngwi adôma gashongwîre

1 Lulanga. Lwa Daudi.

¹ Lulanga. Lwa Daudi. Yâgirwa w’ono ndwîrhe nayâkûza, ntabâla duba we kasinga, yumvîrhiz’omulenge gwâni w’ono ndwîrhe nayâkûza.

² Omusengero gwâni gusôker’emund’oli nka mugî gwa nshangi, n’aga maboko nalengeza gayêrekereyo nka burherekêre bwa bijingo.

³ Yâgirwa ohire omulanzi aha kanwa kâni, n’omulâlîzi aha lusò lw’omunwa gwâni.

⁴ Mâshi mâshi omanye wakayêrekeza omurhima gwâni emund’okubî buli, mpu gujire ebibî birhakwânînî. Ntanajaga omu bantu bajir’okubî, mpu ndye oku biryo byâbo.

⁵ Omushinganyanya ankomekwo: kwo kukulu. Ankalihire erhi kwo: gali mavurha omw’irhwe. Irhwe lyâni lirhâgalahire, Nâkazicîsâlirira oku bali omu bubî bwâbo.

⁶ Abakulu bâbo omu kucihukula oku mabuye, lyo bajirage bayumva obununu bw’ebinwa byâni.

⁷ Kula owahinga ashandâza ebidaka na kula akoma irongo, kwo ebivuha byâbo byashandâlîre ekuzimu.

⁸ Nêci Yâgirwa Nyamubâho, amasù gâni yo gayêrekîre emund’oli, yo nyâkîre emund’oli, omanye wakaherêrekeza omûka gwâni.

⁹ Onnange oku murhego bantezire, n’oku rhusà rhw’abajira ebibî.

¹⁰ Abo babî mâshi bagwe caligumiza omu mirhego badwîrhe barhega, oku nâcîfulumukira.