Ennanga 14 - BIBLIYA NTAGATIFU OMU MASHI

Isirhe ly’omuntu orhîshi Nnâmahanga

1 Gwârhi omukulu w’abimbiza. Lwa Daudi

¹ Gwârhi omukulu w’abimbiza. Lwa Daudi Omusirhe anakâderha omu murhima gwâge, erhi: «Nyamuzinda arhahabà!» Bàcisherêzize, bàjira ebirhankaderhwa; ntà muntu okola aminjà ocibabâmwo.

² Kurhenga emalunga Nyakasane adwîrhe asinza bene-Adamu, mpu alole erhi bankacibonekanamwo ogwêrhe obukengêre, ocidwîrhe alonza Nyamuzinda.

³ Boshi boshi bahabusire, oku banali boshi bàsherîre, ntà muntu okola aminjà ocibabâmwo, ntâye ciru n’ow’obufumu.

⁴ Ka barhakayumva, abôla banyankola-maligo bakàmirangusa ishanja lyâni nka kulya omuntu amirangusa omugati, barhanashenga izîno lya Nyakasane?

⁵ Co cânarhume bajuguma n’obwôba buzira igwârhiro ly’ecôbà kulya kubà Nyamuzinda ayôrha abâ n’iburha ly’omushinganyanya.

⁶ Kàli mwêhe mpu mwashekera ihano ly’omunyi, n’obwo Nyamuzinda ye lwâkiro lwâge!

⁷ Owabona obucire bw’Israheli buhubuka e Siyoni! Mango Nyakasane àgalula olubaga lwâge ekà, Yakôbo acîshinga, Israheli asîme!