Ennanga 130 - BIBLIYA NTAGATIFU OMU MASHI

Nyamuzinda ye shundwakwo obwonjo

1 Lwimbo lwa kusôka.

¹ Lwimbo lwa kusôka. Oku ndi emuhengere, Yâgirwa, nakuyâkûza.

² Waliha, yumva omulenge gwâni! amarhwîri gâwe garhegêre, gayumve izù ly’omusengero gwâni.

³ Erhi wakalola ebyâha, Yâgirwa, Yâgirwa ndi wakayêra?

⁴ Câba aha burhambi bwâwe h’obwonjo bw’ebyâha bushundwa, mpu lyo bakukolera banakukenzire.

⁵ Niehe Nyamwagirwa ye ncîkubagîre, n’omurhima gwâni luderho lwâge gucîkubagire.

⁶ Omurhima gwâni gudwîrhe gwagungêza Nyakasane, kulusha kula omulâlîzi agungêza obucè.

⁷ Kulusha omulâlîzi walinga oku lukula ârhanda, Israheli alinge Nyakasane.

⁸ Yêne ye walîkûza Israheli, oku byâha byâge byoshi.