Ennanga 13 - BIBLIYA NTAGATIFU OMU MASHI

Kuhika mangaci, Yâgirwa Nyakasane?

¹ Gwârhi omukulu w’abimbiza. Lulanga. Lwa Daudi.

² Kuhika mangaci wayôrha onyibagira, Nyakasane? Kuhika mangaci wanfulika obusù bwâwe?

³ Kuhika mangaci nayôrha ntimanya amalibuko omu murhima gwâni? Kuhika mangaci omushombanyi wâni ayôrha ampima?

⁴ Lolà, onshuze, Nyakasane Nyamuzinda, Nnâhamwîrhu! Ommolekere amasù, ndek’ijir’îrò omu lufù.

⁵ Omushombanyi alek’iderha, erhi: «Namuhimire!» Abanzi bâni balek’icîshinga babona njajâba.

⁶ Niehe bwonjo bwâwe ncîkubagira: omurhima gwâni gucîshingire obucire bwâwe; nyimbire Nyakasane oku minjà anjirire.