Ennanga 125 - BIBLIYA NTAGATIFU OMU MASHI

Nyamuzinda ye langa abâge

1 Lwimbo lwa kusôka.

¹ Lwimbo lwa kusôka. Abacîkubagira Nyakasane kwo bali ak’entondo ya Siyoni, yo erhahuligana enahabà ensiku n’amango.

² Kula Yeruzalemu entondo zimugosire, kwo na Nyamuzinda agosire olubaga lwâge buno n’ensiku zoshi.

³ Nanga ntà mango akarhi k’endyâlya kwânahume oku mwanya gw’abashinganyanya. Abashinganyanya bakanalambûla okuboko kwâbo mpu bajiremw’okubî.

⁴ Nyamwagirwa abinja obajirire ebinja, n’ab’omurhima gushingânîne kwo n’okwo.

⁵ Abagera omu njira zikubire bôhe, Nyakasane abalibirhekwo, abageze omu njira nguma n’ababî. Omurhûla muli Israheli!