Ennanga 124 - BIBLIYA NTAGATIFU OMU MASHI

Omucunguzi w’Israheli

1 Lwimbo lwa kusôka. Lwa Daudi.

¹ Lwimbo lwa kusôka. Lwa Daudi. Nyakasane acibulaga bwarhulwîrakwo -Israheli nêci kuderhe-

² Nyakasane acibulaga bwarhulwîrakwo, bulyâla bayisha barhuharhîrekwo,

³ singa bàrhumizire bagumagumà. Bulyâla bayisha barhudwîrhekwo omutula,

⁴ sînga rhwazisire omu mîshi, singa emigezi yàrhuhulwîrekwo.

⁵ Singa amîshi g’enshalalo gàrhubirundukirekwo.

⁶ Nyakasane ayâgirwe obu àrharhulîkiriraga, mpu rhubè minyama bazikamwo amîno.

⁷ Omûka gwîrhu kwo gwafulumusire nka kanyunyi, gwatwa oku isî ly’abarhezi, olusi lwatwîka, nîrhu rhwacîfulumukira.

⁸ Oburhabâle bwîrhu kwo burhenga okw’izîno lya Nyakasane Ye walemaga empingu n’igulu.