Ennanga 123 - BIBLIYA NTAGATIFU OMU MASHI

Rhulîkûze oku kagayo k’abacîbona

1 Lwimbo lwa kusôka.

¹ Lwimbo lwa kusôka. Ngalamulîre amasù emund’oli, We bà omu mpingu.

² Kulyâla amasù g’abashizi, ganayêrekera enfune za ba nnawâbo, kulyâla amasù g’omujà-kazi gahenekera enfune za nn’omumwâbo, kwo amasù gîrhu gadwîrhe galolakwo Nyakasane Nyamuzinda wîrhu, kuhika olukogo lwîrhu lumugwârhe.

³ Rhubêre nîrhu olukogo, Yâgirwa, rhubêre nîrhu olukogo, barhulibuzize n’akagayo.

⁴ Omurhima gwîrhu gwayihisirwe n’amasheka g’abacîbwîne bagale, n’aka gâyo k’abacîbona.