Ennanga 122 - BIBLIYA NTAGATIFU OMU MASHI

Obucire e Yeruzalemu burhenga

1 Lwimbo kwa kusôka. Lwa Daudi.

¹ Lwimbo kwa kusôka. Lwa Daudi. Nayumvîrhe nanasîma ene bambwîra, mpu: mwo rhwajà omu nyumpa ya Nyakasane.

² Amagulu gîrhu gano gakola gali, omu bululi bwâwe Yeruzalemu.

³ Yeruzalemu kwo ali muyûbake nka cishagala, nka cishagala cisêzire buzibu.

⁴ Yo amashanja gayinamukira, amashanja ga Nyakasane. Mpu gakuze izîno lya Nyakasane nk’oku Israheli anarhegesire.

⁵ Yo entebe z’okutwîra emmanja zibà, entebe z’omu nyumpa ya Daudi.

⁶ Yâkûlizagyi Yeruzalemu omurhûla abakurhonya babè n’omurhûla,

⁷ Akalembe kabè omu bululi bwâwe, n’omurhûla omu minene yâwe.

⁸ Bene wîrhu haguma n’abirhu bo barhumire nakuderha nti: «Obêmwo omurhûla.»

⁹ Nêci nakusengerera ebinja, erhi eyi nyumpa ya Nyakasane Nnâmahanga wîrhu yo erhuma.