Ennanga 12 - BIBLIYA NTAGATIFU OMU MASHI

Nyamuzinda ancize oku mihigo y’abantu babî

¹ Oku mukulu w’abimbiza. Nzihwa y’omu lulanga lwa misî munâni. Lulanga. Lwa Daudi.

² Orhucize, Nyakasane, bulya abashinganyanya badwîrhe bahwa; abemêzi badwîrhe bahirigirha omu bâna b’abantu.

³ Abantu badwîrhe barhebana bône na nnene: nderho nnunu, mirhima ibirhi.

⁴ Mâshi Nyamuzinda aherêrekeze ngasi kanwa kaderha obunywesi, ngasi lulimi lulyâlyanya.

⁵ Ngasi baderha, mpu: «Olulimi lwîrhu yo misî yîrhu», «kanwa rhujira, ye ndigi wankarhukulikira?»

⁶ Naye Nnâmahanga, erhi: «Amalibuko g’abazamba» «n’emirenge y’abakenyi erhumire», «nkolaga nayimanga; abalonza obucire nabahêrezabwo.»

⁷ Ebinwa bya Nyakasane biri by’okuli, kwo biri nka cûma ca marhale citule omu luganda, nka masholo mashuke kali nda.

⁸ Yâgirwa Nyamuzinda, we rhuciza, we warhulanga kuli er’iburha ensiku n’amango.

⁹ Abanya-byâha bazungulusire hoshi hoshi, n’obubî bwarhalusire olugero omu bâna b’abantu.