Ennanga 116 - BIBLIYA NTAGATIFU OMU MASHI

Okuvuga omunkwa

¹ Ndwîrhe nacîshinga: bulya Nyakasane ayumvîrhîze izù ly’omusengero gwâni.

² Antege okurhwiri, olusiku mmusengîre.

³ Emibanga y’olufù enziririnzire n’entanya z’olufù zantubire, oburhè n’amaganya bingwêrhe.

⁴ Nyâkûzize izîno lya Nyakasane mâshi Yâgirwa, ocize obuzîne bwâni.

⁵ Nyakasane abâ mwonjo na murhondekezi, Nyamuzinda wîrhu arhahimwa lukogo.

⁶ Abanyi bo Nyakasane alwîra, nali mubî ananciza.

⁷ Oshubiluhûka murhima gwâni, bulya Nyakasane akuyumvirhize

⁸ Omûka gwâni alilikûzize oku lufù, amasù gâni àgahôrhola emirenge, n’amagulu gâni arhuma garhahirima.

⁹ Nâbera haguma na Nyakasane, omu cihugo c’abazîne.