Ennanga 114 - BIBLIYA NTAGATIFU OMU MASHI

Olwimbo lwa Basâka

¹ Aleluya! Olusiku Israheli arhenga e Mîsiri, olusiku enyumpa ya Yakôbo erhenga omu lubaga lw’abahalanjisi,

² Yûda lwashuba luhêro lwâge, Israheli bwashuba bwâmi bwâge.

³ Enyanja yabona okwo yakûla omulindi, Yordani ashubira nyuma.

⁴ Entondo zahama nka nganda-buzi. Orhurhondo rhwacanacana nka bâna-buzi.

⁵ Wanyanja kurhi wamâbà obu wayâka? Yordani kurhi oku washubira nyuma?

⁶ Kurhi mwe birhondo obu mwahama nka ngandabuzi? Kurhi ninyu mwe rhurhondo obu mwacanacana nka bâna-buzi?

⁷ Igulu, nêci dirhimana omu masù ga Nyakasane, omu masù ga Nyamuzinda wa Yakôbo.

⁸ Owahindulaga ibuye cidêka ca mîshi, n’olwâla aluhindula nshôko.