Ennanga 113 - BIBLIYA NTAGATIFU OMU MASHI

Kuli Nyamuzinda w’irenge n’ow’olukogo

¹ Aleluya! Mwe bambali ba Nyakasane, mukuze, mukuze izîno lya Nyakasane.

² Lij’irenge izîno lya Nyakasane, bunôla n’ensiku n’amango.

³ Kurhenga ebushoshôkero bw’izûba na kuhika emunda lizikira, likuzibwe izîno lya Nyakasane.

⁴ Nyakasane Nnâmahanga w’abantu boshi, irenge lyâge liyunjwîre empingu yoshi.

⁵ Ndi oli aka Nyakasane Nyamuzinda wîrhu, ôbà enyanya bwenêne,

⁶ ôyûnama kurheng’enyanya alola idako, abone ebiri empingu n’en’igulu?

⁷ Ye rhenza omuzamba omu katulo Ye nayimanza omukenyi, amukûle oku cavu.

⁸ Amutamaze oku ntebe haguma n’abaluzi, haguma n’abaluzi b’omulala gwâge.

⁹ Ye tamaza owali ngumba omu nyumpa; amuhè obusîme bw’okubà nnina w’abâna.